5/25/2020
Today from Hiiraan Online:  _
Wararka Maanta- Jimco, May 22, 2020
Ciidamada dowladda iyo Al-shabaab oo ku dagaallamay degmada Buur-dhuubo ee gobolka Gedo


 

Jimco, May 22, 2020 (HOL) - Wararka ka immaanaya gobolka Gedo ee koonfurta Soomaaliya ayaa waxay sheegayaan in xalay dagaal qaatay muddo ku dhowaad saacad ah uu dhex-maray ciidamada dowladda ee halkaasi jooga iyo Al-shabaab.

Dadka deegaanka oo la hadlay idaacado maxalli ah oo ku yaalla Muqdisho ayaa waxay sheegeen in la is-weydaarsaday rasaas culus, islamarkaana aysan ogaan Karin khasaaraha rasmiga ah ee soo kala gaaray labada dhinac , maadaama dagaalku uu dhacay xilli habeen ah.

Nuur Kediye Ibraahim oo ah Taliyaha amniga magaalada Buurdhuubo  ee gobolka Gedo ayaa sheegay in ay ka war hayeen xogta weerarka , sidoo kalena ay iska caabbiyeen.

”Ma jiraan wax khasaare ah oo inna soo gaaray, waxaan sidoo kale Alshabaab u geysannay khasaare xooggan, waan helnay xogta ah in nalagusoo maqanyahay “ ayuu u sheegay Nuur Kediye  idaacadda dowladda Soomaaliya .

Dhowr jeer oo hore ayeey ciidamada dowladda Soomaaliya ee ku sugan gobolka Gedo weerarro noocaan oo kale ah kala kulmeen Al-shabaab.

Abdiaziz Ahmed Barrow. Hiiraan Online
Barrow@hiiraan.com









Click here
5/22/2020 7:55 PM EST
Jimco, May 22, 2020 (HOL) - Madaxweynaha dowlad goboleedka Puntland, Siciid Cabdulaahi Deni ayaa caawo shaqada ka eryay wasiirro iyo ku xigeeno katirsanaa golihiisa wasiiradda, isagoo kuwa kale ku bedelay.

5/22/2020 7:45 PM EST
Jimco, May 22, 2020 (HOL) - Dowladda Soomaaliya ayaa goor dambe oo caawo ah shaacisay inay berito tahay maalinta koowaad ee bisha Shawwaal iyo ciidul Fidri, iyada oo burisay go'aan horey ugasoo baxay caawo fiidkii oo lagu sheegayay in ay beri Soon tahay.

5/22/2020 11:29 AM EST
Jimco, May 22, 2020 (HOL) - Maxkamadda gobolka Benaadir ayaa qabatay dacwad uusoo gudbiyay Ururka Qaranka Suxufiyiinta Soomaaliyeed ee NUSOJ oo ka codsaday in maxkamaddu ay farto Xafiiska Xeer Ilaaliyaha Guud ee Qaranka in uu baaris ku sameeyo dilalka loo geystay in ka badan 50 suxufi oo Soomaaliya lagu dilay.

5/22/2020 7:37 AM EST
Jimco, May 22, 2020 (HOL) - Wakiilka Midowga Afrika ee Soomaaliya Francisco Madeira oo qudbad ka jeediyay kulankii golaha ammaanka ee Qaramada Midoobay ee looga hadlayay arrimaha Soomaaliya ayaa ka hadlay xaaladaha siyaasadeed ee Jubbaland iyo heshiis ay gaareen hogaanka Jubbaland iyo xubno kamid ah garabyada Mucaaradka Jubbaland.

5/22/2020 7:23 AM EST
Jimco, May 22, 2020 (HOL) - Maamulka Suldada Falastiin ayaa si cad u diiday gar-gaar loogu tala-galay ka hortagga Coronavirus oo ay Imaaraadka usoo mariyeen Isra’el Khamiistii shalay, maamulkaas ayaa sheegay in loo baahnaa in deeqdaasi si toos ah loogu soo hagaajiyo madaxda Falastiin, iyadoo aan lasoo marsiin dhinaca Yuhuudda.

5/22/2020 6:42 AM EST
Jimco, May 22, 2020 (HOL) - Dowladda Maraykanka ayaa ugu baaqday madaxweyne Farmaajo inuu sida ugu dhaqsaha badan uguna macquulsan u qabto kulanka Golaha Amniga Qaranka, si looga wada hadlo qorsheynta doorashada soo socota, iskaashiga amniga, iyo waxyaabaha kale ee mudnaanta leh ee qaranka.

5/22/2020 6:15 AM EST
Jimco, May 22, 2020 (HOL) - Madaxweyne Donald J. Trump ayaa mar kale sheegay hadallo adag oo xanaf leh oo ay dhibsan doonaan dalal badan oo uu kamid yahay Ruushka, kadib markii uu qeexay in waddankiisa uu ka bixi doono heshiis horay loo galay oo dhigayay in diyaaradaha aan hubeysneyn ay si xor ah ku gooshi karaan hawada dhinacyada heshiinkaan saxiixay.

5/22/2020 5:28 AM EST
Jimco, May 22, 2020 (HOL) - Golaha ammaanka ee Qaramada midoobe ayaa ka hadlay xaaladda Soomaaliya , iyagoo warbixin ka dhageystay ergayga gaarka ah ee Jimciyadda quruumaha ka dhexeysa u qaabilsan Soomaaliya James Swan iyo safiirka midowga Afrika ee Soomaaliya Danjire Francisco Madera, waxayna ka hadleen labadaba arrimihii ugu dembeeyay Soomaaliya , sida doorashooyinka iyo dagaalladii u dhexeeyay ciidamada dowladda iyo Al-shabaab, si gaar ah kii Jannaale.

5/22/2020 5:06 AM EST
Jimco, May 22, 2020 (HOL) - Waxaa dalka Soomaaliya lagusoo celiyay muwaadiniin Soomaaliyeed oo ku xayirnaa illaa iyo seddex waddan kuwaasi oo uu saameeyay socdaal joojinta uu sababay xanuunka Coronavirus ee caalamka.